GEGURITANKU

Hallo Para Kanca 💓💕

Assalamualaikum Wr. Wb

Para Kanca sak iki aku kepengen andum pengalamanku nulis geguritan. Isi geguritan sing kapisan iki curhatan saka atiku dhewe nalika aku ketrima ana kampus idamanku yaiku ing Universitas Sebelas Maret. Nalika bibar pengumuman SNMPTN aku bersyukur berkat dedonga Ibu lan Bapakku, aku bisa katrima ana Universitas Sebelas Maret. Lan bersyukur marang Gusti Allah ingkang sampun ngabulaken dongaKu 🙏.

 Aku ameh curhat sitik ya WkwkwkwK 😄😄 tapi aja digeguyu ya!!

“Aku brebes mili nalika pengumuman SNMPTN, HeHeHehE 😆😢. Amarga wektu kuwi aku ora ngira nak bisa ketrima ana ing Universitas Sebelas Maret jalur SNMPTN.”

 Aku lan kulawargaku ngrasa bungah banget bibar pengumaman SNMPTN.

Aku jipuk Prodi Pendidikan Bahasa Jawa, amarga aku kepengen wawasanku babagan Basa Jawa iku tambah, lan pengen dadi Guru Basa Jawa. Ambok ow sinauni babagan Basa Jawa angel tapi aku tetep semangat lan terus nyinauni.”

Ngisor iki geguritan-geguritan sing tak tulis, semoga bisa dadi tuladha gawe geguritan para kanca 😄😄. Aja di copas yaa. Nak meh copas geguritanku, aja lali nama lan Link Blog dicantumke 😃😃

“BUNGAHE ATIKU"

Dening: Niki Sukma Pertiwi

 

Nalika aku mangerteni ketrimo ing uns

Buangheing atiku tanpa upama

Amango kabar sing tak tompo angel banget, 

Bisane ditrimo ono ing uns 

Babarblas aku ora ngiro bisa ditompo ing UNS 

Sakbanjure aku kudu kepriye ?

Mesthine aku kudu nunjukake puji syukur menyang gusti kang maha agung

Uga aku ngaturake rasa matur nuwun katur bapa, ibukku awit donga lan pangestune tumprap aku

Sak banjure aku uga ngaturaken rasa matur nuwunku katur bapak ibu guru ing SMA, 

Kang wus maringi ilmu sajroning telung tahun

GeguritanKu kang kapindho, tak tulis nalika dina Mengeti Kamardhikan.

“ PRENGETAN DINA KAMARDHIKAN BANGSA INDONESIA”

Dening: Niki Sukma Pertiwi

  Ora mung ing kutha, nanging uga ing desa

  Ora mung sing sugih bondho, nanging uga sing mlarat

  Ora mung sing pejabat, nanging uga sing rakyat

  Kabeh mau darbeni sedyo, mrengeti dina kamerdikaning bangsa Indonesia
          Piwelingku marang putraku kabeh
          Ayo gumregut nerusake gegayuhaning bangsa....

          Kang katuis kanthi cetho sajroning pambuka UUD 1945
          Ojo pisan – pisan sira kabeh nglalekake

  Banjur apa sing kudu sira tindakake ?

  Mesthine wus padha mangerteni, koyo to :

  Sinau kanthi tumemen

  Nyambut gawi bantu bapa lan ibu

  Ngibadah mring Gusti

  Mugo – mugo ing tembene uripmu migunani,

  Tumrap bangsa, ugo tumrap pribadimu

            Miras, narkoba, lan liyo liyane

            Ojo pisan – pisan katindakake

            Cetho dadi larangane negoro lan agama

            Malah – malah bisa ngrusak pribadimu

            Mang kono mau nuwuhake roso nalongso

            Marang bapa ibu uga para gurumu 

GeguritanKu kang katelu, tak tulis nalika aku lagi kelaran. GeguritanKu ing katelu iki kalebu geguritan Akrostik, amarga huruf utawa suku kata sing ing saben awalan baris tak tulis nganggo huruf awalan jenengku.

“KELARAN ATIKU”

Dening: Niki Sukma Pertiwi

Nalika semana

Isih tresna

Kang marang sliramu

Ing njero atiku

Sliramu....

Uga ora bisa tak lalekake

Kanthi kegawa impen

Malah raga iki, kesiksa tekaning pati

Ati iki ora bakal ayem sadurunge weruh sliramu

Prasetyaku thukul saka njero ati kang tulus

Esemmu tansah ngawang-awang ing pangangenku

Rasa atiku

Tanpa sliramu

Ing kene, aku...

Wus nora bisa urip

Ing donya iki

 

Para kanca, ing ngisor iki aku maringi tuladha pamaosan Geguritan ingkang sae kajupuk saka sumber youtube. Mugi-mugi munfangat kangge kaliyan sedaya.

                                          

                               referensi:https:https://youtu.be/y-pOy_AEoYY